மார்கழி குளிரில்
கம்பளியின் கதகதப்பில்
அம்மாவின் அணைப்பு
மனதை இதமாக்கும்
சுட்டெரிக்கும் வெயிலில்
மரத்தின் குளிர் நிழலில்
அப்பாவின் அரவணைப்பு
தென்றலாக மனதைத் தீண்டும்
பெருமழையில் தெறித்த
மழைத்துளி ஒன்று
உன் முத்தத்தின் நினைவில்
மனதைக் கரைக்கும்
பூங்காற்றின் தீண்டலில்
மழலையின் ஸ்பரிசம்
மனம் தொட்டு
மீண்டும் மீண்டும் தழுவும்
பெருங்கூட்டத்தில் ஒட்டாமல்
தனித்து நிற்கையில்
உறவுகளின் நினைவுகள்
உறங்காமல் உடன் வரும்
வாடிச் சருகாக
எரியக் காத்திருக்கும் வேளையில்
உயிரோட்டமாக நினைவுகள்
உயிர் துடிக்க வைக்கும்...
13 comments:
உறங்காமல் உடன்வரும் உறவுகளின் நினைவுகளை சொல்லியிருக்கும் விதம் அருமை அமுதா.
அருமை அமுதா.
உறவுகளின் நினைவுகள் பத்தி இப்பத்தான் பதிவு போட்டேன்.
//சுட்டெரிக்கும் வெயிலில்
மரத்தின் குளிர் நிழலில்///
அருமை ...!
அடுத்து நானும் எழுதுகிறேன் ..!
மார்கழி நினைவுகளை...!
மேட்டர் கொடுத்ததுக்கு நன்றி...;;)
//பூங்காற்றின் தீண்டலில்
மழலையின் ஸ்பரிசம்
மனம் தொட்டு
மீண்டும் மீண்டும் தழுவும்//
மிகவும் ரசித்த வரிகள்.நல்லா இருக்கு !!!
பூங்காற்றின் தீண்டலில்
மழலையின் ஸ்பரிசம்
மனம் தொட்டு
மீண்டும் மீண்டும் தழுவும்]]
அழகு நினைவு.
-------------------
வடிகால் தேடுகையில் இது போன்ற பதிவுகளின் ‘நினைவுகள்’ இதமாய் ...
பெருங்கூட்டத்தில் ஒட்டாமல்
தனித்து நிற்கையில்
உறவுகளின் நினைவுகள்
உறங்காமல் உடன் வரும்//
எனக்கும் இந்த இடம் ரொம்ப பிடிச்சிருக்கு அமுதா
//முத்துலெட்சுமி/muthuletchumi said...
பெருங்கூட்டத்தில் ஒட்டாமல்
தனித்து நிற்கையில்
உறவுகளின் நினைவுகள்
உறங்காமல் உடன் வரும்//
எனக்கும் இந்த இடம் ரொம்ப பிடிச்சிருக்கு அமுதா///
நான் இங்க அபபடியே ஸ்ட்ரக் ஆகி நிக்கிறேன்!
//வாடிச் சருகாக
எரியக் காத்திருக்கும் வேளையில்
உயிரோட்டமாக நினைவுகள்
உயிர் துடிக்க வைக்கும்... //
உறவுகளைப்பற்றிய அழகான கவிதை அமுதா...........
நல்லா இருக்கு
வழக்கம் போல அருமையான கவிதை.
நினைவுகள்தான் வாழ்க்கையை நகர்த்திக் கொண்டிருக்கின்றன. நல்லாருக்கு.
அழகிய நினைவுகள்...கடைசி வரிகள் எதார்த்தம்.
Nencham thotta ninaivugal
Post a Comment