கொடுக்காத முத்தங்கள்
மிச்சம் இருக்கின்றன
ஆடாத விளையாட்டுக்கள்
நிறைய இருக்கின்றன
தேவதை கதைகள்
இன்னும் கேட்க இருக்கின்றன
பால்யத்தைக் கவர்ந்து
சென்றது காலம்
சிந்தாத சிரிப்புகள்
சிதறிக் கிடக்கின்றன
காணாத கனவுகள்
கண்ணுள் நிற்கின்றன
சொல்லாத இரகசியங்கள்
பூட்டிக் கிடக்கின்றன
இளமையைக் கவர்ந்து
சென்றது காலம்
கேட்காத கேள்விகள்
மனதுள் சுழல்கின்றன
புரியாத நிகழ்வுகள்
நிறைய இருக்கின்றன
ஆறாத காயங்கள்
இரணமாக உள்ளன
வாழ்க்கையைக் கவர்ந்து
சென்றது காலம்
வாழாத தருணங்களை எண்ணி
வாழ்ந்த வாழ்க்கையை மறந்த
தீராத ஏக்கதோடு நோக்கினேன்
முடிந்து போன வாழ்க்கையை...
(படங்கள்: இணையம்)
8 comments:
கவிதையில் ஏக்கம் உள்ளது
//கொடுக்காத முத்தங்கள்
மிச்சம் இருக்கின்றன//
//சொல்லாத இரகசியங்கள்
பூட்டிக் கிடக்கின்றன//
இவ்விரு வரிகளும் நல்லாருக்கு
ஏக்கங்கள் தீருவதில்லை
தீர்ந்ததுமில்லை
ஏக்கங்கள்! இயலாமையில் ஏற்படுமா ?
போனது போகட்டும்,எதிர்காலத்தில் எந்த ஏக்கத்தையும்
மிச்சம் வைக்காமல்,வர இருக்கும் காலங்களை முழுமையாக
ஆட்கொள்ளலாம்!!!
தீராத ஏக்கங்கள்தான் எத்தனை எத்தனை. அருமை அமுதா, குறிப்பாக இந்த வரிகள்:
//வாழாத தருணங்களை எண்ணி
வாழ்ந்த வாழ்க்கையை மறந்த
தீராத ஏக்கதோடு நோக்கினேன்
முடிந்து போன வாழ்க்கையை...//
நன்றி முத்துராமலிங்கம்
/*நட்புடன் ஜமால் said...
ஏக்கங்கள் தீருவதில்லை
தீர்ந்ததுமில்லை*/
நன்றி ஜமால்... உண்மைதான், ஆனால் ஏக்கங்கள் மட்டுமே இருக்கக்கூடாது.
/* ஜீவன் said... போனது போகட்டும்,எதிர்காலத்தில் எந்த ஏக்கத்தையும்
மிச்சம் வைக்காமல்,வர இருக்கும் காலங்களை முழுமையாக
ஆட்கொள்ளலாம்!!!*/
உங்கள் கருத்தை ஆமோதிக்கிறேன். நன்றி
/*ராமலக்ஷ்மி said...
அருமை அமுதா, குறிப்பாக இந்த வரிகள்:...*/
நன்றி மேடம். தீராத ஏக்கங்கள் பற்றி மட்டுமே நாம் நினைத்தால் வாழ்வு முடிந்த பிறகும் தீராத ஏக்கம் தான் மிஞ்சும்...
கேட்காத கேள்விகள்
மனதுள் சுழல்கின்றன
புரியாத நிகழ்வுகள்
நிறைய இருக்கின்றன
ஆறாத காயங்கள்
இரணமாக உள்ளன
வாழ்க்கையைக் கவர்ந்து
சென்றது காலம்
அருமை அமுதா
முடிவில் ஒரு பெரிய பெரூமூச்சுதான் வெளிப்படும்.
நமக்கான குறைந்த பட்ச வாழ்க்கை நமக்கு பிடித்த வாசிப்பிலும், அவ்வப்போது எழுதுவதிலுமே இறுதியாக தொக்கி நிற்கிறது.
அமுதா,எங்களுக்காகக் காலம் காத்திருப்பதே இல்லை.எந்த விஷயத்தையும் தாமதிக்காமல் உடனே செய்துவிடுவது நல்லது.அதைச் சொன்ன விதம் அழகு.
:}
:)
Post a Comment