என் மேகம் ???

Wednesday, August 25, 2010

மானாட மயிலாட....

சுதந்திர தினம், நந்தினியின் பிறந்த நாள், பள்ளி ஆண்டுவிழா என பரபரவென்று கடந்துவிட்டது ஆகஸ்ட் 15. "நட்பு வளையங்கள்" என்ற தலைப்புடன் உலகின் நடனங்கள் இடம் பெற்றிருந்தன. சிறார்களின் நடனம் மிக அழகாக இருந்தது.

Dr. YGP அவர்களின் தலைமையில், கலைஞர் தொலைக்காட்சியின் இயக்குநர் சிறப்பு விருந்தினராக அமைந்த விழாவில் Dr. YGP அவர்களின் பேச்சு தனி முத்திரை பதித்தது. அழகாக கொஞ்சமும் டீசன்சி குறையாது ஆடிய சிறார்களைப் புகழ்ந்த அவர், மானாட மயிலாட நிகழ்ச்சியில் குழந்தைகள் ஆடுவதைக் காண முடிவதில்லை என்றும், இது போல் பள்ளிவிழாக்களைத் தொகுத்து வழங்க வேண்டும் என்றும் கூறினார். இதனால் பணம் வராது, ஸ்பான்ஸர் கிடைக்காது... ஆனால் மாதம் ஒரு முறை இது போன்ற விழாக்களைத் தொகுத்து அளித்தால் நம் கலாச்சாரம் போற்றப்படும் என்றார். இது போன்ற பேச்சைக் கேட்க மிகவும் மகிழ்ச்சியாக இருந்தது. இது போன்று தவறுகளைச் சுட்டிக்காட்டும் நல்ல மனிதர்கள் தான் நல்ல வழிகாட்டுதல்கள்.


அடுத்து விழா பற்றி.... சப்பான், சீனா, பெர்சியா, இந்தியா, ஸ்பானிஷ், ஆப்பிரிக்கா, சிவப்பிந்தியர், பாலே என்று வண்ண உடைகளில் வண்ணமிகு உலகைச் சுற்றிக்காட்டினர் சிறார்கள் ஆடல்களில்... அவர்களது உழைப்பும் ஆசிரியர்களின் உழைப்பும் தெளிவாகத் தெரிந்தது. மகிழ்ச்சியாக இருந்தது. முதலில் சின்னஞ்சிறு மலர்கள் சப்பான் நடனம் ஆடினர். நந்தினியிடம் , "சப்பான் பாட்டு தான் கொஞ்சம் ஸ்லோ. குட்டீஸ் synch பண்ணி ஆடலை" என்றேன். "ஏம்மா , அதுங்க தலை ஆட்டறதைப் பார்த்தியா எவ்ளோ அழகு. அதை விட்டுட்டு synch என்னத்துக்கு" என்று இரசித்ததை நான் இரசித்தேன். இன்னும் அவள் எனக்கு குழந்தை தான்... ஆனால் குழந்தைகளை அவர்கள் செயல்களை இரசிக்கும் அவளது செய்கை மனதை நெகிழ்த்தியது (பல்பு வாங்கினதை இப்படி ஃபீலிங் கொடுத்து மறைக்கலாமானு யாரோ சொல்றது என் காதில விழலை)

நந்தினியும் சீன நடனத்தில் இருந்தாள். அவள் நடனத்தை விட, அவள் கூந்தலை இரசித்துக் கொண்டிருந்தோம். சும்மாவே அவள் கூந்தல் நேராக அழகு என பலரும் கூறுவதுண்டு. நடனத்தில் நெளி நெளியாக அழகாக இருந்தது. "நந்துகுட்டி உன் ஹேர் அழகுடா... என்ன பண்ணினார் மேக்கப் மேன்?". "ரொம்ப அழகா இருந்தது இல்ல அம்மா.... விக் வச்சார்" (அடுத்த பல்பு). எவ்ளோ பல்பு நீ கொடுத்தாலும் உன் முன்னால் நான் ட்யூப்லைட் தான் என்று சொல்லிக்கொள்ள வெட்கப்படுவதில்லை (இதுக்கு பேரு தான் சப்பைக்கட்டு)

சரி விடுங்க... எல்லா கொண்டாட்டங்களும் நல்லபடியா முடிஞ்சது.

6 comments:

Chitra said...

"ரொம்ப அழகா இருந்தது இல்ல அம்மா.... விக் வச்சார்" (அடுத்த பல்பு). எவ்ளோ பல்பு நீ கொடுத்தாலும் உன் முன்னால் நான் ட்யூப்லைட் தான் என்று சொல்லிக்கொள்ள வெட்கப்படுவதில்லை (இதுக்கு பேரு தான் சப்பைக்கட்டு)

...... :-)

முத்துலெட்சுமி/muthuletchumi said...

"சப்பான் பாட்டு தான் கொஞ்சம் ஸ்லோ. குட்டீஸ் synch பண்ணி ஆடலை" என்றேன். "ஏம்மா , அதுங்க தலை ஆட்டறதைப் பார்த்தியா எவ்ளோ அழகு. அதை விட்டுட்டு synch என்னத்துக்கு//

great nandhini .. great amma.. :)

Anonymous said...

Nice one Amudha...Best wishes for your kid...

Regards
Ezhini.P

Ungalranga said...

ஸோ..நம்மை விட குழந்தைகள் அழகானவர்கள்,
புத்திசாலிகள், ரசனைமிகுந்தவர்கள் என்பது இந்த பதிவில் வெட்டவெளிச்சமா தெரியுது..!!

:))

இதை பகிரவும்ஒரு தைரியம் வேண்டும்(பல்பு வாங்கியது உட்பட).. அதை அப்படியே மெயின்டேண் பண்ணுங்க..!!

ராமலக்ஷ்மி said...

//இது போன்று தவறுகளைச் சுட்டிக்காட்டும் நல்ல மனிதர்கள் தான் நல்ல வழிகாட்டுதல்கள்.//

உண்மை.

//சப்பான், சீனா, பெர்சியா, இந்தியா, ஸ்பானிஷ், ஆப்பிரிக்கா, சிவப்பிந்தியர், பாலே என்று வண்ண உடைகளில் வண்ணமிகு உலகைச் சுற்றிக்காட்டினர் சிறார்கள் ஆடல்களில்... அவர்களது உழைப்பும் ஆசிரியர்களின் உழைப்பும் தெளிவாகத் தெரிந்தது. மகிழ்ச்சியாக இருந்தது. //

பார்க்க வேண்டும் போலுள்ளது.

உங்க ஃபீலிஙஸ்,சப்பைக்கட்டு எல்லாம் ரொம்ப சுவாரஸ்யம்:)))!

madrasdada@gmail.com said...

நேரமும் விருப்பமும் இருந்தால்...
http://www.maamallan.com

அன்புடன்
விமலாதித்த மாமல்லன்